கனவு ஒன்று கண்டேனம்மா...

கனவு ஒன்று கண்டேனம்மா...

கனவு ஒன்று கண்டேனம்மா
பாரத மாதா கனவு ஒன்று கண்டேனம்மா

உன் பிள்ளைகள்
மதுவை விட மதியை நாடும் நாள் வருமென...
தன செல்வத்தை விட இந்த நாட்டின் செல்வத்தை மதித்திடும் நாள் வருமென...
கோயில்கள் கட்ட தரும் நன்கொடைய விட கல்விக் கூடங்கள் கட்ட அதிக நன்கொடைகள் தருவது போல்...
கனவு ஒன்று கண்டேனம்மா....

தேசிய தின நல வாழ்த்துக்கள்...

மராத்தியர்களின் வீரம்
குஜராத்தியர்களின் வணிக திறன்
பஞ்சாபின் உழைப்பு
ராஜஸ்தானத்தின் நேர்மை
பாடளிபுத்ரத்தின் கனிம வளம்

இமாச்சலத்தின் பனி படர்ந்த மலை
வங்காளத்தின் கலை
கன்னடத்தின் சிலை
தெலுங்கானாவின் இசை
காஷ்மீர் மற்றும் கேரளாவின் அழகு
வந்தாரை வாழ வைக்கும் தமிழகம்

இது எல்லாம் சேர்ந்தது தான் இந்தியா...

நமக்குள் சண்டைகள் வரலாம்...  ஆனால் அவை நம்ம ஒரு போதும் பிரித்துவிடாது...
மாறாக நாம் ஒருவரை ஒருவர் மேலும் புரிந்து கொள்ள வழி வகுக்கும்...
இந்த எண்ணத்துடனே மீண்டும் சளைக்காமல் சண்டையிடுவோம்...

உணர்வோம்... ஒருங்கிணைவோம்... உழைப்போம் (இந்த நாடு முன்னேற) ...

'பாருக்குள்ளே நல்ல நாடு நம் பாரத நாடு'
என்ற சொல்லை மெய்ப்பித்திடுவோம்...
நூறு ஆண்டுகள் கழித்து அல்ல... நமது வாழ்நாளில்

இனிய தேசிய தின (சுதந்திர தின மற்றும் குடியரசு தின)  நல வாழ்த்துக்கள்....

                                                  - பாலா(ஜி)

அவளிடம் சொன்னேன்...

ஆசையைச் சொன்னேன் - அசடு என்றாள்
கனவைச் சொன்னேன் - கானல் என்றாள்
காதலைச் சொன்னேன் - காமம் என்றாள்
உள்ளதைச் சொன்னேன் - உளறல் என்றாள்
என் உள்ளத்தைச் சொன்னேன் - மௌனமானாள்...

                                                      - பாலா(ஜி)

கனவுக் காதலிக்கு ஒரு நிஜக் கவிதை...

நீ இல்லாமல் என்னால் வாழ முடியாது என சொல்ல விருப்பம் தான்...
நீ இல்லாமலே வாழ்ந்து விட்டேன் முதல் இருபது வருடம் நான்...

உன்னைக் காணாமல் போயிருந்தால் என்ன தொலைத்திருப்பேன் நான்...
உன்னைக் கண்டதினால் என்னைத் தொலைத்தேன் நான்...

                                                             - பாலா(ஜி)

(காதல்) கல்யாணம்...

தாய் : பெண்ணை நான் பார்த்து விட்டேன்.
           எனக்குப் பிடித்திருக்கு
           இனி நீ பார்த்து உன் முடிவு என்னவென்று சொல்...

மகன் : அதையே தானம்மா நானும் சொல்ல நினைத்தேன்...

கனவா? களவா?...

உன்னை என் தூக்கத்திலும் காண்கிறேன்

இது கனவா? களவா?

உன் மீது அதீத அக்கறை கொள்கிறேன்
இது உரிமையா? உபத்திரவமா?

உன் நினைவாகவே அலைகிறேன்
இது பிரியமா? பித்தா?

உன்னுடன் வாழ்வதாகவே எண்ணுகிறேன்
இது கனவா? நிஜமா?

நீ இன்றி வாழ முடியாது என அஞ்சுகிறேன்
இது காதலா? கானலா?

உன்னை என் மூச்சககாவே நினைக்கிறேன்
நீ என் வாசாமா? சுவாசாமா?

தமிழே - நல்ல வேளை நீ மாற்றான் தோட்டத்து மல்லிகை இல்லை...

உன்னை இப்படி நினைத்துக் கொண்டே இருப்பதற்காக
யாரும் என்னை தண்டிக்கப் போவதில்லை...

                                            - பாலா(ஜி)

உருமாற்றம்...
மேகம் போல பயனின்றி வானில் மிதந்தேனே...

மலை என வந்தெனைத் தடுத்தாயே... மழை என பொழிந்திட வைத்தாயே...

உருவிழந்தேன் நானடி - பிறருக்கு உபயோகமானேன் நானடி.. எல்லாம் உன்னால் தானடி...

மலையைக் காதலித்தால் மடுவாதல் தண்டனையோடி...

மீண்டும் வருவேன் நானடி...உன்னால் மீண்டும் உருமாற்றம் அடைந்திடத் தானடி....

கர்வம் கொள்ளாதேடி - கால வெள்ளத்தில் ஒருநாள் கடலாகிப் போவாய் நீயும் தானடி...

 அன்று நாம் கலப்போமடி...

அதுவரை நான் உன்னை தழுவிட மீண்டும் மீண்டும் மேகமாய் வருவேனடி...

                                            - பாலா(ஜி)